ԻՆՉՊԵՍ ԴԵՂԵՐ ՏԱԼ ԿԱՏՎԻՆ
Եթե ունեք կատու, հավանաբար գիտեք, ինչ մարտահրավեր է դեղորայք ընդունելը։ Ճիշտ մոտեցման և նախապատրաստման դեպքում դեղորայք տալը կարող է դառնալ ավելի հեշտ և պակաս սթրեսային թե՛ Ձեր, թե՛ Ձեր կատվի համար։Ինչպե՞ս նախապատրաստվել
Նախապատրատելը կարևոր քայլերից մեկն է։ Ինչպես սկսել՝
- Ուշադիր կարդացեք դեղորայքի օգտագործման հրահանգները
- Մինչ դեղորայքին դիպչելը լվցեք Ձեր ձեռքերը
- Համոզվեք, որ ճիշտ չափաբաժին եք վերցրել
- Ընտրեք հանգիստ վայր, հեռու խանգարող հանգամանքներից։
Փոքրիկ հնարք՝ դեղի ընդունումը հեշտացնելու համար։
Եթե անասնաբույժը հաստատում է, որ դեղորայքը կարելի է տալ սննդի հետ, հնարավոր է այն թաքցնել փոքր քանակությամբ սննդի կամ համապատասխան համեղ պատառիկի մեջ։
Փափուկ, կրեմային հյուսվածք նախընտրող կատուների համար Creamy Treats-ը կարող է հարմար տարբերակ լինել որոշ դեղամիջոցներ թաքցնելու համար։ Իսկ ավելի լավն այն է, որ դրա գրավիչ համը դեղորայք ընդունելու ժամանակը կարող է դարձնել սպասված պահ։
Նրբորեն թաքցրեք հաբը փոքր քանակությամբ Creamy Treat-ի մեջ և առաջարկեք այն Ձեր կատվին՝ որպես նրա սովորական առօրյայի մի մաս։ Կարող եք նաև Creamy Treats-ը առանձին առաջարկել որպես պարգև՝ դեղորայքը հաջողությամբ տալուց հետո՝ օգնելով դեղորայք ընդունելու գործընթացը դարձնել ավելի դրական փորձառություն։
Դեղորայքը թաքցնելու համար համեղ պատառիկ օգտագործելիս համոզվեք, որ ձեր կատուն ամբողջությամբ կերել է դեղամիջոցը պարունակող բաժինը։ Երբեք մի մանրացրեք հաբերը և մի բացեք պարկուճները, եթե անասնաբույժը հատուկ չի հաստատել, որ դա անվտանգ է, քանի որ որոշ դեղամիջոցներ ունեն հատուկ ձևակերպումներ, որոնց վրա կարող է ազդել դրանց կառուցվածքի փոփոխությունը։
Ինչպես տալ դեղահաբ կատվին
Եթե հաբը սննդի կամ համեղ պատառիկի մեջ թաքցնելը հնարավոր չէ, ձեր անասնաբույժը կարող է խորհուրդ տալ այն տալ անմիջապես։ Սկզբում դա կարող է դժվար թվալ, սակայն մի քանի պարզ քայլերի հետևելը կարող է գործընթացը դարձնել ավելի հեշտ և հարմարավետ թե՛ ձեր, թե՛ ձեր կատվի համար։
- Պահպանեք հանգստություն և նրբորեն վարվեք Ձեր կատվի հետ։
- Ապահով պահեք ձեր կատվին՝ նրան տեղավորելով Ձեր գրկում կամ կայուն մակերեսի վրա։
- Նրբորեն բարձրացրեք Ձեր կատվի գլուխը դեպի վեր։
- Զգուշորեն բացեք բերանը և հաբը տեղադրեք լեզվի հնարավորինս հետին հատվածում՝ այնքան, որքան անվտանգ է։.
- Նրբորեն փակեք բերանը՝ օգնելով Ձեր կատվին կուլ տալ հաբը։
- Դրանից հետո պարգևատրեք Ձեր կատվին գովեստով կամ համապատասխան համեղ պատառիկով։
